Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

14 de marzo de 2019

A Oficina Municipal de Información ao Consumo tramitou o pasado ano 989 reclamacións, o 84% relacionadas coa subminstración de servizos

Este servizo respondeu tamén a máis de 15.000 consultas de persoas consumidoras e realizou accións formativas sobre consumo seguro e responsable que chegaron a 14.482 persoas

A Oficina Municipal de Información ao Consumo (OMIC) rexistrou durante o pasado ano 16.186 actuacións, que na súa maior parte estiveron relacionadas con servizos. Destas actuacións, 15.197 corresponderon a consultas informativas e 989 foron reclamacións, nas que se chegou a acordos favorables grazas á intermediación da OMIC no 51% dos casos. O concelleiro de Emprego e Economía Social, Alberto Lema, salienta que o traballo da oficina "permite ofrecer un servizo público moi próximo e útil para a cidadanía, que combina o acompañamento e a resolución de situacións que menoscaban os dereitos das persoas consumidoras cun programa amplo para a educación nun consumo seguro e responsable".

A oficina encargouse da tramitación directa do 95% das reclamacións interpostas que obtiveron resposta, nun 86% dos casos, antes de 60 días. Estas actuacións permitiron devolver 167.602 euros ás persoas reclamantes. A subministración de servizos centrou o 84% das reclamacións e os produtos o 16% restante. Por sectores, son as empresas de telecomunicacións as que máis denuncias motivaron, seguidas das da enerxía. No eido das consultas tamén os servizos manteñen a maioría, xa que supuxeron o 69% das mesmas fronte ao 31% referidas a produtos. O 43% das consultas foron realizadas por homes e o 57% por mulleres, mentres que no caso das reclamacións as porcentaxes distribúense entre o 48% feitas por homes e o 52% presentadas por mulleres.

Tal e como sinala Lema, a actuación directa da OMIC ante cuestións formuladas polas persoas consumidoras "compleméntase cunha actividade de difusión de información e un programa de formación no consumo seguro, tanto para persoas adultas como para escolares, que chegou a 14.482 persoas". Así, durante o pasado ano, a OMIC organizou 345 actividades que tiveron unha asistencia de 7.191 persoas adultas. No eido escolar, realizáronse 309 obradoiros dentro da iniciativa Educa, nos que participaron 6.755 nenos e nenas, e un escola de verán con 75 participantes. Ademais, a oficina realizou outras 32 charlas informativas ás que asistiron 361 persoas.

A oficina municipal levou a cabo tamén varias accións que inciden na difusión dunha cultura de consumo responsable como foron a creación dunha campaña para o Día Mundial das Persoas Consumidoras, que se celebra cada 15 de marzo. No pasado ano, a OMIC realizou 18 actividades de formación sobre a responsabilidade no consumo de enerxía, unha campaña sobre impacto ambiental, un foro de Consumo e Alimentación Saudable e unha nova edición de A Casa dos Xoguetes, a iniciativa de Nadal que fomenta a economía circular. Neste ano, para conmemorar o día das Persoas Consumidoras que se celebra mañá, a OMIC levará a cabo a campaña de sensibilización Fagamos grande a letra pequena, que terá lugar na segunda quincena do mes de marzo nos centros escolares e que emprega o teatro para abordar conceptos cotiás de consumo.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?