A comarca da Coruña está integrada polos municipios de Abegondo, Arteixo, Bergondo, Cambre, Carral, A Coruña, Culleredo, Oleiros e Sada. Está dotada con oito polígonos industriais, comerciais e de servizos cunha superficie total que supera os 9.500.000 m². Trátase dos polígonos da Grela-Bens, Pocomaco, Sabón, Alvedro, Bergondo, Espírito Santo, Os Capelos e Morás. Ademais, están en proxecto ou construción novos parques empresariais como o Polígono de Vío e a Cidade Tecnolóxica das Rañas, o que vai incrementar a oferta de terreo en máis de 1.110.000 m².

Con todo, a proximidade e notable comunicación coas comarcas de Betanzos e Bergantiños permiten integralas na área de influencia da Coruña. Nas devanditas comarcas están parques empresariais tan importantes como Piadela, Bértoa, Curtis-Teixeiro, Coirós, Ponteceso, Laracha e Malpica cunha superficie total de máis de 4.900.000 m².