A Tarxeta Coruña Millennium é a chave para pagar a túa viaxe en autobús ou utilizar os servizos das bibliotecas municipais. En breve, esta mesma "chave" permitirache realizar trámites administrativos desde o teu ordenador, reservar instalacións municipais, sacar entradas para concertos de rock ou a Sinfónica e mil cosas máis.

TARXETA MILLENNIUM XERAL:

Tarxeta de bus xeral coa cal as súas persoas beneficiarias obterán descontos pola utilización do servizo público de transporte urbano.

Solicitude por primeira vez, renovación, roubo, perda ou deterioración:

• Servizo de Mobilidade Urbana (Estación de Autobuses - rúa Cabaleiros, núm. 21)
• Rexistro Xeral Palacio Municipal (praza de María Pita, 1)
• Rexistro Auxiliar do Centro Sociocultural Ágora (Lugar Gramela, 17)
• HORARIO DE ATENCIÓN AO PÚBLICO: luns a venres laborables de 08.00 h a 14.00 h

• Documentación (particulares):

• Impreso de solicitude.
• DNI (no suposto de menores de idade, ademais do DNI do pai, nai ou titor/a legal, deben achegar o da persoa interesada, se dispón del).
• En caso de menores de idade, o contrato debe ir asinado polo pai, nai ou titor/a legal.
• Xustificante de aboamento da taxa correspondente a: (3 EUROS pola expedición de cada tarxeta 7 EUROS en caso de roubo, extravío, deterioración ou calquera outra causa imputable ao uso inadecuado da tarxeta).

Pode realizar o pago en liña das taxas da Tarxeta Millennium. Este procedemento require que vostede dispoña dun certificado dixital válido.

O concelleiro de Mobilidade Urbana, actuando con competencias delegadas pola Xunta de Goberno Local, o 30 de xuño de 2017 ditou a resolución que máis abaixo se transcribe, pola que se aproban as normas para obtención e renovación -de ser o caso- da Tarxeta Millennium, así como os medios para a acreditación dos requisitos necesarios para obtela para o ano 2018 e ata a súa modificación, se é o caso.

BASES TARXETA MILLENNIUM - CONCESIÓN E RENOVACIÓN - ENTRADA EN VIGOR O 1 DE XANEIRO DO 2018

Preguntas frecuentes