Domus foi o primeiro museo interactivo do mundo dedicado ao ser humano, e é o segundo dos tres Museos Científicos Coruñeses

O edificio, obra do arquitecto xaponés Arata Isozaki, ten máis de 150 módulos interactivos para divertirse e reflexionar sobre as características da especie humana.

EXPOSICIÓNS

> BOCADOS

Unha exposición sobre a nutrición e os Obxectivos de Desenvolvemento Sustentable (ODS) da ONU, que nos comprometen para actuar a favor de cambios globais e integrados que permitan poñer fin á fame e á malnutrición antes de 2030.

> XOGO DE NEURONAS

Xogo de neuronas. Pezas da intelixencia humana é unha exposición na que se exploran a anatomía e o funcionamento do cerebro. O seu elemento máis emblemático é unha colorida rede neural elaborada con neuronas creadas por escolares galegos.

> XENÉTICA

Investiga que é a enxeñería xenética, reflexiona por que nos parecemos aos nosos pais ou indaga sobre os produtos transxénicos. Ademais, descubre o código da vida nas maquetas do ADN da planta baixa da Domus. Unha exposición dedicada á xenética que busca responder as curiosidades das persoas visitantes arredor dun tema científico de continua actualidade.

> EVOLUCIÓN

Indaga se os trazos dos que tanto presumimos son exclusivos da especie humana e verás que non somos o embigo do mundo. A Domus e o persoal investigador de Atapuerca presenta un enfoque diferente da evolución da familia humana na exposición Homínidos e Homínidas. A familia fachendosa. Cando deixamos de ser caníbales? Era capaz de falar o home de Neandertal? Quen foi o primeiro europeo? Como vivían os nosos antepasados? Somos tan exclusivos como cremos?

ESPAZOS SINGULARES

> LABORATORIO ABERTO

O Laboratorio Aberto é o espazo de experimentación da Domus onde o científico es ti.

> maker@domus

maker@domus é un espazo da Domus para experimentar a cultura maker e facer tecnoloxía por ti mesmo. Unha oportunidade única para comezar a pensar coas mans.

CINEMA

Na sala Leonardo da Vinci podes gozar de cinema científico nunha pantalla de 80 m2 e con 4000 watts de son de calidade dixital.

CARTELEIRA

De luns a venres ás 17.00, 18.00 e 19.00 horas. Sábados, domingos e festivos ás 12.00, 13.00, 17.00 e 18.00 h

> Divulgare: Praderías de «Posidonia oceanica»: un tesouro submarino

> De maior quero ser científica: matemática

> Divulgare: Alarma contra ladróns

HORARIO

> INVERNO (xaneiro e febreiro)

Luns a venres: 10:00 h a 18:00 h*

Sábados, domingos e festivos: 11:00 h a 19:00 h*

O acceso pecha 15 minutos antes.

1 e 6 de xaneiro: pechado

> PRIMAVERA (marzo a xuño)

Luns a domingo: 10:00 h a 19:00 h*

O acceso pecha 15 minutos antes.

> VERÁN (xullo e agosto)

Luns a domingo: 10:00 h a 20:00 h*

O acceso pecha 15 minutos antes.

> OUTONO (setembro a decembro)

Luns a domingo: 10:00 h a 19:00 h*

24 de decembro: 10:00 h a 14:00 h*

31 de decembro: 10:00 a 14:00 h*

O acceso pecha 15 minutos antes.

25 de decembro: pechado

ENTRADAS

> Xeral: 2 euros. Cinema: gratis

> Reducida: 1 euro*. Cinema: gratis

*Menores de 16 anos; maiores de 65; persoas desempregadas, tras a presentación de documento acreditativo; Carné Xove e membros de familias numerosas, tras a presentación de documento acreditativo.

> Gratis

• Festivos locais do Concello da Coruña (5 de marzo e 24 de xuño de 2019)
• Día da Ciencia na Rúa (4 de maio de 2019)
• Día dos Museos (18 de maio de 2019)
• Semana da Ciencia (do 11 ao 17 de novembro de 2019)
• Persoas con discapacidade
• Menores de 4 anos
• Guías turísticas/os no desenvolvemento das súas tarefas, tras a presentación de carné acreditativo
• Persoal docente, debidamente acreditado
• Estudantado da Universidade da Coruña, tras a presentación de carné acreditativo
• Xornalistas, debidamente acreditadas/os

> Bono Tres Casas: 12 euros

• Bono tres casas: permite o acceso ás salas de exposicións da Casa das Ciencias, Domus e Aquarium Finisterrae (só un acceso por museo); é necesario conservar o bono en perfecto estado.

> Tarxeta Vente: 20 euros

> Tarxeta Vente Mini*: 10 euros

*Menores de 14 anos e maiores de 65

• Tarxetas Vente e Vente Mini: son nominativas, permiten o acceso ás salas de exposicións da Casa das Ciencias, Domus e Aquarium Finisterrae durante un ano natural que se conta desde a data de emisión (sen límite de accesos) e será necesario presentar o DNI (no suposto das/os menores de 14 anos, se dispoñen del) cada vez que se empreguen.

VISITAS ESCOLARES

Se queres visitarnos cun grupo escolar, consulta toda a información aquí.