TARIFAS

Entrada xeral: gratuíta temporalmente (2,40 € tarifa habitual)

Entrada reducida: gratuíta temporalmente (1,40 € tarifa temporal)

• Titulares do carné novo, carné de estudante, carné de estudante internacional.
• Grupos culturais e educativos (previa solicitude)

Cota cero:

• Sábado pola tarde e domingo todo o día.
• Día Internacional dos Museos (18 de maio).
• Menores de 18 anos e maiores de 65 ou xubilados.
• Membros da Asociación Amigos do Museo de Belas Artes da Coruña.
• Visitas de persoas ou grupos por motivos profesionais, de estudo ou investigación (previa solicitude)

VISITAS GUIADAS ESCOLARES

Destinatarios: alumnos de Educación Infantil, Educación Primaria, Educación Secundaria Obrigatoria e Bacharelato.

Itinerario: percorrido didáctico polas salas do Museo, adptado aos diferentes niveis educativos.

Duración da visita: 1 hora e 20 minutos (aproximadamente)

Prezo: gratuíto.

Grupos: mínimo 25 e máximo 50 alumnos.

Horario das visitas: martes a venres ás 10:00 h. e ás 11:30 h.

Reserva:

• Teléfono: 881 881 700
• Fax: 881 881 701
• Mail: mu.belas.artes.difusion@xunta.es
• Online: http://museobelasartescoruna.xunta.es

SALAS E EXPOSICIÓNS

• Sala A: mostra de gravados de Goya, coas catro series: Os Caprichos, Os Desastres da Guerra, Os Disparates e A Tauromaquia.
• Sala B: acolle unha colección de cerámica de Sargadelos do século XIX.
• Sala 1: móstranse cadros do século XVI, xunto a pintores do Renacemento español.
• Sala 2: dedicada ao Barroco español.
• Sala 3: expón obras do Barroco europeo de pintores de escola flamenca e tamén de escola holandesa.
• Sala 4: acolle obras do século XVIII e XIX, mostrando os diferentes estilos deses séculos, desde o Rococó ata o Realismo pasando polo Costumismo. Como pintores destacados podemos citar a Federico Madrazo, Dionisio Ferros Álvarez, Villaamil, Carlos de Haes, Aureliano de Beruete e Sorolla.
• Sala 5: dedicada á pintura galega do XIX e XX.
• Sala 6: dedicada á pintura galega do século XX, con obras do grupo dos Renovadores: Seoane, Laxeiro, Colmeiro, Maside, etc., pero onde están tamén representados o Surrealismo e a arte abstracto.

DATOS DE INTERESE

Edificación moderna que se asenta no antigo convento das Capuchinas, presenta numerosas obras procedentes do Museo do Prado, Pintura española e europea do XVI ao XX, pintura galega do XIX e XX. Expón tamén unha ampla colección de gravados de Goya e pezas de cerámica de Sargadelos.

O Museo de Belas Artes foi creado en 1942 a iniciativa dun nutrido grupo de artistas e intelectuais amantes da arte, aglutinados ao redor da Real Academia de Belas Artes da Coruña, e aberto ao público en 1947. O edificio que o albergaba, coñecido como Casa do Real Consulado do Mar (agora alberga a biblioteca do Consulado), é unha bela mostra do neoclasicismo do último cuarto do século XVIII. Do primitivo palacio consérvase hoxe a estrutura exterior, o patio e a escaleira; sufrindo o interior unha remodelación para adaptar as súas instalacións ás necesidades museográficas.