Durante dúas semanas 40 nenas e nenos de 4 a 10 anos participarán en actividades didácticas para fomentar actitudes de consumo responsables e promover o comercio de proximidade, contribuindo de maneira directa á economía local e á prevención do cambio climático.

Unha das actividades máis salientable foi a Visita ó Mercado de San Agustín, onde as cativas e cativos fixeron unnha xincana, e mercaron diferentes produtos que despois utilizarán para facer diferentes receitas de cociña. Interactuaron de maneira directa coas praceiras/os e tamén coa clientela habitual para preguntarlle polas vantaxes de consumir no mercado.