Tanto para a obtención por primeira vez da Tarxeta Millennium como para a súa renovación:

REQUISITOS:

• Estar empadroada/o no Concello da Coruña cunha antigüidade mínima de seis meses.
• Ter ingresos brutos inferiores a 1.170 €/mes = 16.380 €/ano por membro da unidade familiar.
• Ter recoñecida polo órgano competente da Xunta de Galicia un grao de discapacidade igual ou superior ao 33%.

DOCUMENTACIÓN:

• DNI orixinal
• Autorización ao Concello para o acceso aos datos fiscais necesarios para comprobar que se cumpren os requisitos establecidos (este impreso poderase obter directamente en portelo ou poderá ser descargado na páxina web)
• Autorización ao Concello para o acceso aos datos do INSS necesarios para comprobar que se cumpren os requisitos establecidos.(este impreso poderase obter directamente en portelo ou poderá ser descargado na páxina web)
• Orixinal e fotocopia do certificado do grao de discapacidade ou tarxeta da Xunta indicando o grao de discapacidade ou resolución sempre que conste Incapacidade Permanente/ Total / Absoluta/ Grande Invalidez sen condicionar (en caso de renovación é suficiente coa presentación do certificado orixinal da Xunta, salvo nos supostos en que se produciu calquera modificación nel).

Esta tarxeta ten unha validez de 1 ano, sempre que a/o titular se manteña empadroada/o no Concello da Coruña e o certificado de discapacidade vixente. En caso de variar algunhas destas dúas condicións, a tarxeta deberá ser entregada nas oficinas municipais para cambio de perfil.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a súa reparación (segundo proceda), en calquera caso, é necesario que a/o titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por roubo, perda ou deterioración:

É necesario aboar a taxa establecida: 7 €, Ordenanza fiscal, núm. 1, epígrafe 1.11.4).

Ao solicitar o duplicado da tarxeta facilitarase o impreso de autoliquidacións; unha vez aboada a taxa, a/o usuaria/o débese dirixir co xustificante de pago á oficina de tramitación para a expedición da tarxeta.

Oficinas de tramitación da Tarxeta Millennium:

• Servizo Mobilidade Urbana (Estación de Autobuses - rúa Caballeros, 21)
• Rexistro Xeral do Pazo Muncipal (praza de María Pita, 1)
• Rexistro Auxiliar do Centro Sociocultural Ágora (Lugar da Gramela, 17)