Tanto para a obtención por primeira vez da Tarxeta Millennium como para a súa renovación:

REQUISITOS:

• Ser maiores de 65 anos (no caso de que sexa menor de 65 anos a/o solicitante ou o seu cónxuxe tramitaríase como perfil pensionista, sempre que teña pensión)
• Estar empadroada/o no Concello da Coruña cunha antigüidade mínima de seis meses.
• Ter ingresos que non superen en máis do 30% o S.M.I 1.170€/mes = 16.380€/ano por membro da unidade familiar (considéranse membro da unidade familiar cónxuxe, fillos/as menores ao seu cargo e fillos/as con incapacidade ao seu cargo)

DOCUMENTACIÓN:

• DNI orixinal
• Autorización ao Concello para o acceso aos datos fiscais necesarios para comprobar que se cumpren os requisitos establecidos (este impreso poderase obter directamente en portelo ou poderá ser descargado na páxina web)
• Autorización ao Concello para o acceso aos datos do INSS necesarios para comprobar que se cumpren os requisitos establecidos (este impreso poderase obter directamente en portelo ou poderá ser descargado na páxina web)

Esta tarxeta ten unha validez ata o falecemento da súa persoa titular sempre que se manteña empadroado/a no Concello da Coruña. En caso de variar esta condición, a tarxeta deberá ser entregada nas oficinas Municipais para o seu cambio de perfil.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a súa reparación (segundo proceda), en calquera caso, é necesario que a/o titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por roubo, perdida ou extravio

É necesario aboar a taxa establecida: 7 €

Ao solicitar o duplicado da tarxeta facilitarase o impreso de autoliquidacións; unha vez aboada a taxa, a/o usuario debe dirixirse co xustificante de pago á oficina de tramitación para a expedición da tarxeta.

Oficinas de Tramitación Tarxeta Millennium

• Servizo Mobilidade Urbana (Estación de Autobuses - rúa Caballeros, 21)
• Rexistro Xeral Pazo Municipal (Praza de María Pita, 1)
• Rexistro Auxiliar do Centro Sociocultural Ágora (Lugar da Gramela, 17)