O Observatorio Urbano da Coruña é unha ferramenta de traballo dinámica, xeradora de información continua sobre a cidade; un centro de información estatística e un instrumento de visión e planificación urbana futura.

O seu obxectivo é solicitar, organizar, concentrar, validar e facilitar a información estatística que xeren os diversos programas e proxectos de xestión municipal, así como outras fontes externas que resulten de interese con datos representativos da cidade.

Esta ferramenta permite un maior coñecemento da realidade social, económica e ambiental do municipio herculino, ademais de ser útil para a Administración local na súa planificación e posibilitar a detección anticipada das necesidades e demandas emerxentes dos distritos.

A información está estruturada nas seguintes áreas temáticas:

• Demografía
• Medio ambiente
• Transporte e mobilidade
• Espazo urbano
• Economía
• Emprego
• Vivenda
• Educación
• Sanidade e saúde
• Benestar social
• Cultura e deporte
• Seguridade cidadá
• Participación cidadá

O municipio da Coruña está dividido en dez distritos censuais que, á súa vez, se subdividen en seccións censuais. A información de tipo inframunicipal que dispón o Observatorio Urbano refírese a esta división que se pode consultar en liña ou a través da seguinte ligazón: