A persoa interesada deberá presentar con antelación suficiente, polo menos 72 horas, a seguinte documentación:

• Solicitude na que faga constar, ademais dos seus datos, a mercadoría transportada, data, hora e lugar para a que se solicita o acompañamento e a descrición do vehículo (dimensións e masas).
• Documentación referida ao vehículo para o que se solicita o acompañamento policial: tarxeta de inspección técnica, permiso de circulación, recibo do seguro obrigatorio en vigor e tarxeta de transportes. Esta documentación poderá ser suplida pola autorización complementaria outorgada pola Dirección Xeral de Tráfico sempre que estea en vixencia e se refira ao vehículo para o que se solicita o acompañamento.
• Xustificante de satisfacer a taxa correspondente ( Ordenanza fiscal núm. 2, epígrafe 3)

Se o vehículo cumpre cos requisitos establecidos na normativa de aplicación, a persoa funcionaria responsable da dependencia competente emitirá o informe favorable á realización do acompañamento policial, que terá a consideración de título habilitante para circular pola cidade na data sinalada. Será competencia da Policía Local sinalar o día, hora e ruta que mellor conveña.