Documentación (particulares):

• Impreso de solicitude
• DNI (no suposto de menores de idade, ademais do DNI do pai, da nai ou titor/a legal, deben achegar o da persoa interesada, se dispón del).
• Aboar a taxa establecida.
• En caso de menores de idade, o contrato debe ir asinado polo pai, a nai ou titor/a legal.

Documentación (empresas):

• CIF
• O contrato debe estar asinado por unha persoa autorizada e acreditar a dita autorización.
• Aboar a taxa establecida.

Custo da tarxeta (taxa):

• Empadroadas/os e non empadroadas/os no Concello da Coruña: 3 €

Pódese realizar o aboamento da taxa na Caixa Municipal ou a través de calquera oficina de Abanca.

Unha vez aboada a taxa, a persoa solicitante débese dirixir de novo á oficina na que realizase a solicitude da tarxeta, co xustificante de pago, para que lle expidan a tarxeta.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a reparación dela (segundo proceda), en calquera caso, é necesario que a/o titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por deterioración técnica:

No caso de que a substitución da tarxeta se produza por deterioración técnica dela, sen responsabilidade da persoa usuaria (por tanto debe achegar a tarxeta deteriorada), non é necesario aboar ningunha taxa e a tarxeta expídese no momento.

Neste caso, quince días despois de que a/o usuario reciba a nova tarxeta, poderá recuperar o saldo que tiña na tarxeta deteriorada acudindo a unha das oficinas de Abanca.

Substitución da tarxeta por roubo, extravio ou rotura

É necesario aboar a taxa establecida: 7 €, (Ordenanza fiscal núm. 1, epígrafe 1.11.4).

Ao solicitar o duplicado da tarxeta facilitarase o impreso de autoliquidacións; unha vez aboada a taxa (na Caixa Municipal ou en calquera das oficinas de Abanca), a persoa usuaria débese dirixir co xustificante de pago á oficina de tramitación para a expedición da tarxeta.

Normas xerais:

• O custo de cada viaxe é de 0,75 €.
• Transbordo permitido entre liñas gratuíto (máximo 45 minutos).
• Esta tarxeta non é necesario renovala.
• A tarxeta recóllese presencialmente.