Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

7 de diciembre de 2017

O goberno local presenta o programa de reforzo educativo ‘Poténciate’, "que nace para favorecer a inclusión social e diminuír o fracaso escolar"

A concelleira Silvia Cameán destaca a aposta do executivo municipal por programas “que promovan unha escola pública que recoñeza o dereito a aprender en igualdade de oportunidades”. A proposta, á que se destinarán 120.000 euros, desenvolverase no segundo e no terceiro trimestre do ano nos centros educativos da cidade

O Concello da Coruña conta, desde o presente curso escolar, cun novo programa educativo de reforzo escolar. A edil de Xustiza Social e Coidados, Silvia Cameán, presentou esta mañá a primeira convocatoria de Poténciate, unha iniciativa dirixida ao alumnado coruñés "que abrangue diferentes accións de reforzo educativo para diminuír o fracaso escolar e favorecer a inclusión social na Coruña". "O goberno municipal quere unha escola pública que recoñeza o dereito a aprender en igualdade de oportunidades, e por iso aposta en programas de prevención, porque se queremos xerar igualdade de oportunidades e de acceso ás mesmas debemos ter ferramentas que detecten os posibles problemas con antelación", sinalou a responsable municipal.

Poténciate, que se desenvolverá durante o segundo e o terceiro trimestre do curso escolar, ordinariamente, entre as 16.00 e as 18.00 horas, está dirixido a todos os centros públicos do termo municipal que imparten educación infantil, primaria, especial e secundaria. As accións que se desenvolverán nos centros educativos abranguen actividades de apoio específico nas tarefas escolares; así como outras relacionadas coa orientación, titoría e as técnicas de estudo; propostas para a adquisición e mellora de habilidades sociais, ou para fomentar o lecer saudable entre o alumnado; e prestará atención específica ás familias. "Este goberno entende que os programas de reforzo, orientación e apoio deben estenderse a todos os centros públicos e incorporar novos perfís profesionais para cubrir as necesidades da veciñanza", expuxo a concelleira. Así, o persoal que participará no programa Poténciate será do ámbito da pedagoxía, psicopedagoxía, logopedia, educación social, traballo social, maxisterio --tamén aquelas persoas que posúan o Mestrado Universitario en Profesorado de Secundaria-- e técnicas e técnicos superiores dos ámbitos educativo, sociocultural e deportivo, "ademais do persoal auxiliar que se precise", apuntou a edil, quen destacou que o goberno local destinará 120.000 euros para poñer en marcha esta iniciativa.

"Mentres que a administración que ten competencia neste eido non cobre as necesidades da cidadanía, o Concello da Coruña ten claro que non pode deixar a ningunha nena nin a ningún neno atrás", expuxo Cameán. "Poténciate nace como resposta a unha demanda común dos propios centros escolares, ante o recorte de profesionais especializados que están a aplicar as administracións que teñen competencias no eido educativo, como é o caso da Xunta de Galicia, o que lles impide ofrecer ese reforzo escolar e atender as diversidades que existen nos centros educativos. Por iso este programa é, se cabe, aínda máis necesario, para atender a todas as nenas e nenos da Coruña que non están a recibir o apoio e orientación que precisan", aseverou.

Os centros interesados en formar parte da primeira convocatoria de Poténciate poderán presentar a súa solicitude --formulario dispoñible na web municipal e que tamén recibirán nestas datas-- para participar no programa desde o próximo 18 de decembro e até o 12 de xaneiro. O Servizo Municipal de Educación, na selección dos centros, dará prioridade aos Colexios de Educación Infantil e Primaria (CEIP) e Centros de Educación Especial (CEE) fronte aos IES, a aqueles con maior número de alumnado con necesidades específicas de apoio educativo e, finalmente, avogará por unha distribución equilibrada dos centros no termo municipal.

Documentos:

Cartel Poténciate (440 KB)

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?